INTERVENTS SUL TERITORI DAL COMUN DI MUEÇ PAR IL RISANAMENT/RISCAT DI VIERIS E PUSTOTS

La Regjion Autonome dal Friûl, zontravierisis la Leç Regjionâl dal 16 Jugn 2010, n. 10 ed il relatîf regolament di atuazion di cui al D.P.R. 27 Otubar 2011, n. 0259/Pres, l'ha produsût une normative specifiche ae lûs da le simpri majôr necessitât di risanâ, recuperâ e valorizâ numerôs tarens in te zonis montanis. 

Le finalitât da leç regjionâl son chês di promuovi e stimolâ il risanament, il recupar ed il seguitîf manteniment, ancje par lis finalitâts agriculis, cun particolâr riferiment as ativitâts zootecnichis, dai vieris/o pustots. La leç a le viôt tra i siei obietîfs primaris ancje la prevenzion ed il conteniment dal fûc, soredut in vicinance dai centros abitâts, la prevenzion ed il conteniment da difusion de zechis e di altris parassîts nocîfs par la salût umane ed animâl noncje contrastâ il disgrât paesagjstic-ambientâl funzionant in tal contimp come stimul par l'avio di iniziativis imprenditoriâls leadis al teritori.

Ancje il comun di Mueç, ae lûs dal progressîf incespugliment e ricolonizazion di bande di specie arbustivis e/o arboreis di impuartants superficis un timp mantegnudis a prât o a pascul, l'ha ritegnût necessari aviâ un programe di ricualificazion e recupar di cualchi zone dal teritori cun t'un vouli di riguart par li zonis in cui risulte plui grâf il pericul derivant da fuarte presince di zechis.

Al fin di dotâ il Comun di Mueç dai struments necessaris par il davuelziment dai intervents di risanament/recupar l'è stât redat ed aprovât cun Deliberazion dal Consei Comunâl dal 21 Dezembar 2015, n. 51, il "Regolament comunâl par il risanament ed il recupar dai vieris e/o pustots". Seguitivamentri, cun Deliberazion da Zonte Comunâl dal 28 Decembar 2015, n. 158, l'è stade aprovade la documentazion relative ai prims intervents di recupar in te l'ambit dal Cap-lûc e da frazion di Ovedass autorizant il Sindic a l'inoltri da relative domande di contribût ae Regjion.