Emission di documents


Cjarte d’identitât

L'è il document ch'al certifiche l’identitât di une persone. Dal 13/05/2011 al pò jessi otignude cence limitaments di etât. La cjarte d’identitât rilassade ai plui piçui di 3 agns l'ha validitât di 3 agns, tra i 3 e i 18 agns l'ha validitât di 5 agns, mentri vâl 10 agns cuant ch'al ven rilassade in te majôr etât. Al pò jessi rinnovade ancje 180 dîs prime da sô scjadence. Par l'emission coventin 3 fotos formât tessare, € 5,42 par i dirits; par il rinovament ancje la vecje cjarte d’identitât o un altri document. In câs di pierdite o robarie, l’interessât scuen fa denuncie aprûf l’autoritât di publiche sigurece (Carabinîrs), ch'a scuen esibî al moment dal rilassament dal gnûf document.

Par i minôrs di 18 agns covente l’assens di ducj e doi i  gjenitôrs o di cui ch'a scusê parcè segni valide par l’estar. L’assens al pò jessi trasmetût al Comun ancje unitamentri a copie fotostatiche no autenticade di un document di identitât dal sottoscritôr (art. 38, coma 3 dal DPR 445/2000). Si impense ch'a ai fins da l’espatrio il minôr di 14 agns a scuen la a tor in companie di un dai gjenitôrs o di cui ne fâs lis scusis. A tal finiment l'è oportun ch'a al di là de cjarte di identitât il minôr scuen ve cun sé un estrat da l’at di nassite cun l’indicazion da paternitât e da maternitât.

La cjarte di identitât le ven rilasade ancje ai citadins stranîrs. In tâl câs la cjarte di identitât no l'è valide par l’espatrio.

Libret internazionâl di famee

L'è il libret sul cuâl vegnin ripuartadis lis indicazions sul matrimoni e su le nassite dai fîs, noncje su le muart dai components dal nucleo familiâr. Il libret l'è rilassât, su domande, ai nuviç da l’Uficiâl di Stât Civîl ae celebrazion dal matrimoni. Al pò jessi domandât ancje sucessivamentri.

Passapuart

L'è il document ch'a consint l’espatrio in ducj i Paîs riconossûts dal Guviern Italian. Par la domande dal passapuart presentasi in Comun cun n. 2 fotos recentis formât tessere a sfont clâr (par ulteriôrs informazions su la tipologje di foto lâ sul sito da polizie di stât sot lincât).  Il Comun prepararà la domande e fissarà diretamentri l’apontament cun la Cuesture di Udine. Bisugnerà daspò lâ in Cuesture par la firme e des improntis digjitâls. Cui ch'al vûl al pò lâ diretamentri a l’Ufici Passapuart da Cuesture di Udin, ch'al darà la oportune indicazion e al destinarà lìapontament par il rilassament. L’apontament al pò jessi domandât ancje on-line midiant oportune regjistrazion. 

Par majôrs informazions consultâ il sito da Polizie di Stât al seguitîf recapit: http://www.poliziadistato.it/articolo/1087-Passaporto

Codiç Fiscâl

L’ufici Anagrafe assegne, midiant colegament telematic cun il Ministeri das Finançs - Anagrafe Tributarie, il codiç fiscâl ai nassint.